lonelygirl عضو ذهبى
عدد المساهمات : 434 تاريخ التسجيل : 09/05/2009 العمر : 32
| موضوع: الفرق بين كمبيوتر البنت وكمبيوتر الولد الإثنين يناير 18, 2010 8:52 am | |
| بسم الله الرحمن الرحيم
اولا جهاز البنت ليدوز فروست
من النظرة الاولى من بعيد للشكل العام للجهاز تلاقى الجهاز نضيف ومرتب وحواليه دباديب او عرايس او لعبها وتلاقيها لازقة عليه صور فراشات او صور رقيقة وقلوب وحجات كلها دلع ورقة وتلاقى كرسيها نضيف وسليم وشكلة حلو ومحطوط بشكل صحيح ادام المكتب تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او صورة بنت جميلة او وردة
تقلب فى الملفات تلاقى اسماء الملفات عندها جميلة زى
صور اطفال صور فساتين صور موضة افلام رومانسية اغانى عاطفية
تفتح الهيستورى بتاع الجهاز تلاقيها كانت مشغلة حجات زى
فيلم تيتانيك مواقع نكت مواقع موضة قهوة كتكوت اغنية تملى معاك اغنية بهواك مواقف كوميدية
تفتح الميل بتاعها تلاقيها حاطة نك نيم رقيق زى
بنوتة شقية دلع حبوبة حب عمرى
لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش تيجى تشم ريحه الجهاز تلاقى رحتة برفان جميل ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة رقيقة
والجهاز بيقفل
-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-
نخش على اجهزة التماسيح
من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة تلاقى الكيس مفتح من كل ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن تكون مشتعلة وملهاش اى علاقة بالجهاز وتلاقى الهارد متعلق زى الدبيحه من السلك بتاعه ومتعرفش لية وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحدو الشاشة ممكن متلاقيش قعدتها اصلا وممكن متلاقيش غطاء الشاشة الخلفى برضو كنوع من انواع التهوية ولسعات سجاير وطفاية فى كل حته من الجهاز وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات مكروباص الترامكو يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة تعدى كل ده وتبتدى الويندوز تفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية الى جاية من عالم غريب
تدخل تقلب فى الملفات تلاقى اسماء الملفات غريبة وعجيبة
حشحش دحدح بتنجانة صور معيز صور حوادث مصارعة
و 70% من الملفات هتلاقيها تحت سلسلة اسماء
New Folde11 New Folde12 New Folde13 New Folde14 الى ما لا نهاية
تفتح الهيستورى بتاعه تلاقى اخر حجات شغلها زى
ساو 3 ديد سيلنت اغنية البلح البلح صور مصارعين كليب بوس الواوا اسماء مواقع تخاف اصلا تخشها نكت حشاشين
تفتح الميل بتاعه تلاقيه حاطط نك نيم يرعب البنات
الشيطان 10 البجح سفاح المعيز المحشش كمبورة عاشق الموت
لو دققت فى تاريخ تسطيب الويندوز ممكن تلاقيه مسطبها قبل متيجى بساعتين
طبعا ريحه الجهاز هتلاقيها شبة متور العربية المحروق ولما يجى يطفى الجهاز لو فاتح ايه ميقفلهمش واحده واحده لا شد الكابل على طول من غير تفاهم اكنه بيعزب كافر لانه طبعا ميعرفش حاجة اسمها امر شود داون
كمان لو فى فلاشه يا لهوى فلاشه البنت نضيفه ورحتها حلو وبالغطا بتعها وفى علبتها اما فلاشه الشباب طالع عينها مكسوره ومن غير غطا اصلان وتحس ان قطار معدى عليها ومفرومه | |
|
watchman مشرف عام
عدد المساهمات : 554 تاريخ التسجيل : 20/12/2009
| موضوع: رد: الفرق بين كمبيوتر البنت وكمبيوتر الولد الإثنين يناير 18, 2010 9:15 am | |
| ههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههههههههههه
دا انا هامووووووووووووووووووووووووووووووت
ده الرد بتاعى بس على فكرة جهازى وسط
كله انجليش مفيهوش كلمة عربى
تسلم ايدك | |
|
lonelygirl عضو ذهبى
عدد المساهمات : 434 تاريخ التسجيل : 09/05/2009 العمر : 32
| موضوع: رد: الفرق بين كمبيوتر البنت وكمبيوتر الولد الإثنين يناير 18, 2010 8:48 pm | |
| هههههههههههههههههههههههه كل ده ضحك
مااااااشى يا احمد يارب يكون جهازك مختلف عن جهاز التماسيح التانيه
نورتنى ونورت الموضوع
وميرسى لمروووووورك يا جميل
| |
|
KEMO PEPSI مدير الموقع
عدد المساهمات : 1615 تاريخ التسجيل : 08/05/2009 العمر : 37 الموقع : WwW.RaWsHaNa.AkBaRmOnTaDa.CoM
| موضوع: رد: الفرق بين كمبيوتر البنت وكمبيوتر الولد الإثنين يناير 18, 2010 9:01 pm | |
| هههههههههههههههههههههههههههههههههههههههههههههههههههههههههههههههههههههههه لا بجد موضوع جامد جدا ودمه خفيف اوى تسلم ايدك ومنتظرين المزيد | |
|
lonelygirl عضو ذهبى
عدد المساهمات : 434 تاريخ التسجيل : 09/05/2009 العمر : 32
| موضوع: رد: الفرق بين كمبيوتر البنت وكمبيوتر الولد الأربعاء فبراير 10, 2010 6:38 am | |
| تسلم يا كيمو ربنا يخليك ونورت الموضوع ونورتنى
وميرسى لمروووورك
| |
|