بعد ماعرفوا بعض بأسبوعين......
هو: أنا عايز اقولك على سر شلته فى قلبى سنين
هى: قول مالك؟
هو: أنا بحبك وانتى عمرى وبحلم بيكى كل ليلة 7 مرات ونص وبصحى على صوتك ياحياتى
هى: وأنا كمان ياحبيبى بحبك بقالى 3 شهور و5تيام و6ساعات وربع
هو: صحيح؟ يااااااااااه ...ده احلى يوم فى حياتى
هى: وأنا كمان..بس هنعمل ايه؟ واهلى واهلك والدنيا والناس؟
هو: هحبك وتحبينى ياعمرى وكفاية نبقى سوا
هى: طب ياحبيبى أنا بقول كده برضه بس مانطولش فى الحكاية ماشى؟
*فاتت سنة غرام وهيام وأحلى كلام.........
هى: احنا هنفضل كده كتير ياحبيبى واهلنا مايعرفوش؟
هو: ليه ياحبيبتى أنا بس اظبط نفسى فى الشغل واجى اتقدملك على طوووووووول
هى: امتى بقى يحصل ده؟....يااااه ده أنا هبقى أحلى كركوبة فى الدنيا
هو: قريب ياحبيبتى قريب كلها 12 سنه بالكتير
*فاتت كمان سنة وهو ولا هنا وهى هتطق من الغيظ......
هى: حبيبى الحكاية طولت اوى احنا هنفضل كده كتير؟ -تعبت قلبى الله يحرقك-
هو: كده ازاى ياحبيبتى؟ مااحنا اشطه اهو وآخر تمام
هى: تمام ايه وهمام ايه؟ هو احنا هنفضل تحت شجرة الجرجير ومقضيينها عصير لمون؟
هو: تقصدى ايه ياروحى؟ اصبرى بكره يبقى عندنا بيت وأولاد
هى:دة فى المشمش... أنا متقدملى عريس كويس وإذا مالحقتنيش هيخطفونى منك
هو: لاااااااااا ده أنا كنت ارمى نفسى من فوق المكتب الى فى الشغل...ده انا كنت اقطع شرايينى
هى: لأ انا مش عايزاك تعمل كده أنا هكلم بابا وماما وانت تاخد خطوة بقى
*أسبوع...اتنين...تلاته.تليفونه غير متاح...مابيردش ....وأما رد....
هى: انت فين مش لاقياك؟
هو: معلش تليفونى كان فاصل شحن وكنت بشحنه
هى: بقاله شهر فاصل شحن وبتشحنه؟! ليه انت كنت بتشحنه غاز؟
هو: خلصنا بقى..قصرى ..خير؟
هى: وهييجى منين الخير ياروحى وانت مانفذتش اللى اتفقنا عليه؟
هو: هو احنا اتفقنا على حاجه؟!
هى: نعم ياروح الماما؟ امال تقطيع شرايينك واوردتك وشرب مية النار ده كان ليه؟
هو: كنت مجنون وعقلت ياروحى..وخطبت البت ماهيتاب بنت عمى الجمعة اللى فاتت الساعة 12 وخمسه الضهر
هى: ياواطى ياندل....ماهيتاب؟!!!! طب وأنا؟
هو: ماتغلطيش بس وانسى الجرجير واللمون...انتى مش فاهمه حاجة
هى: انسى؟ ده اخر كلام عندك؟..اصلى مش ناوية افهم
هو: اه ياروحى...بس صدقينى انتى أكتر حاجة حبيتها فى حياتى حتى اكتر من المكرونه بالبشاميل...لكن أهلى قالولى يا إما ماهيتاب أو الطرد من البيت
هى: اوك..اشطه يامان...سى يو...باى
[/b]
[center]
موضوع: قـــــــــــالى الوداع....قولتلة إشـــــــطة..هههههه 
الأحد يناير 31, 2010 4:12 pm
