أصلها "مش بالهدوووووم

الموضوع النهاردة يمكن غريب شوية لكن حابب اتكلم فيه لأنه أصبح ظاهرة ولاااازم حل
من غير فلسفة وكلام تخين

والمشكلة : أن كل حد بيعمل حاجة غلط دلوقتي أصبح له منطق ومبدأ يبرر بيه الغلط دا أدام نفسه وأدام الناس

وممكن يرد عليك بعريضة ويثبتلك فيها إن

غلطه مش هو اللي غلط

فمثلا

دلوقتي أي بنت تلاقيها ماشية في الشارع ولابسة "كذا ثم كذا ثم كذا" تقولها إيه دا ؟

تقولك : "ما هي مش باللبس"

ولا لو شوفت شاب "فانكي" من بتوع السلسلة والجيل والبنطلون المقطع المسقط والشعر المكهرب وتقوله إيه دا ؟

يقولك : "ما هي مش بالشكل"

والعجيب بقي أن في شاب ممكن يشوف شاب ملتحي أو ملتزم في لبسه وشكله يقوم يقوله :
"مش باللحية " !!!

وكذلك واحدة مش لابسة الحجاب وتقول للي لابسة الحجاب "مش بالحجاب "

والأعجب بقي أننا بقينا في مجتمع تلاقي فيه بنت مش لابسة حاجة أصلا وتلاقيها كمان تقولك

أصلها "مش بالهدوووووم"

يا جمااااعة

نفسي أعرف أمــــــــــــــــــــــال بقت بإيـــــــــــه

؟؟؟؟؟؟؟؟؟؟؟

" سؤال بالفزلكة "

فمتي حين يخطئ من يخطئ يعترف ولو أمام نفسه بأنه مخطئ بدلا من المكابرة والتعنت والإستمرار في الخطأ بل ومعايرة من هم علي الهدي والصواب وكأنهم هم المخطئون

؟؟؟

"سؤال بالبلدي"

مدام أصبحت مش بالــ" اللبس – الشكل – الاعمال – التصرفات ..

أمااااال بقت بـــ إيــــه يا حضرات ..

؟

عجبت لك يا زمن

ههههههههههههه
بجد بجد موضوع تحفه
تسلم ايدك يا كيمو
الموضوع وما فيه ان احنا والحمدلله
بنقلد حتى لو مش بنبص لبعض بقينا
بنبص للغرب ونقلدهم فى التصرفات والافكار
واكيييييييد الهدوم
فطبعا مش هنبقى شيفين ان اللى احنا بنعمله غلط
بس بجد موضوع رائع رائع

والله الواحد احتار يا لونلى

بس انا بتكلم فى نقطة ان كل واحد بيدافع عن منطقه حتى لو هو نفسه متأكد انه غلط

بس برضه بيقاوح

وعايز يثبت للناس انه هو الصح

ويقولك اصلها مش بكذا

عموما انتى نورتينى يا لونلى

ومشكوووووووور عالمرووووووور

ههههههههههههههههههههههههههههههههههههههههه بس هوه حقيقى مش بالهدوم ممكن تكون لبسه كذا وكذا بس جواها بنت محترمه ممكن تكون احسن من اللى لابسه حجاب او خمار طب اقولك على حاجه فى ناس بتبقى لابسه نقاب وتبقى ماشيه فى الشارع وتضحك ضحكه كده ولاكده وتبقى سلوكها مش كويس ولما تسالها تقولك انا لابسه غزبن عنى واللهى بابا او ماما غزبين عليا
وشكرا اووووووووووى على الموضوع ياكريم

الشكر ليكى يا نرمين على كلامك الجميل

وفعلا انتى عندك حق فى كل كلامك

وفعلا هى مش باللبس انا معاكى

وانا شخصيا اكتر ناس بقلق منهم المنقبين

بس ده مش دافع او سبب او مبرر يخلى البنت تلبس اى لبس مش كويس

ولا انتى ايه رايك

ومشكوووور على مروووووووورك

شكرا اوووى على اقتناعك بكلامى ياكريم طبعا وانا معاك فى مساله لبس البنات الى مش كويس وبالنسبه للمحجبات بالذات هما الى بيغطونى طرحه تبقى مبينه كل شعرها هههههههههههههههههههه هم يبكى وهم يضحك
وشكرا تانى على الموضوع ياكريم

الشكر والتقدير ليكى على كلامك وارائك الجميلة يا نرمين

بس فين بقى الناس اللى تقدر وتقتنع

عموما برضه شكراااا على مروووورك

» لوحات "رونى" و"دروجبا" فى مزاد "خيرى"
» أسهل "100" جملة "إنجليزية" أتعلمها تمشيك بأي مكان
» حصريا اكبر مكتبة افلام للنجمه الفاتنه جيسكا البا "Jessica Alba" مكونة من"14" فيلم مترجمة بجودات DVDRip علي اكثر من سيرفر
» بانفراد - كليب شيرين " انكتبلي عمر " DvBRip بحجم 23 ميجا
» البوم محمد منير " رباعيات في حب الله " Ripped From Original CD @ 224