عايزينها تقليدى ولا عن حب

طبعا كل واحد فينا سواء ولد او بنت بيفكر فى الشخص اللى هيرتبط بيه مستقبلا يعنى وطبعا كل واحد فينا برضه بيفكر فى شكل الارتباط اللى هو عايزه واكيد واخد قرار انه هيرتبط عن حب ويحاول يوصل مع اللى بيحبه للنهايه السعيده وهى الجواز طبعا ولا كان واخد قرار انه هيرتبط بشكل تقليدى والجواز يبقى جواز صالونات ويبقى مقتنع بوجهة النظر اللى بتقول ان الحب ييجى بعد الجواز وانا عايز او انا عايزه احب اللى هتجوزه او احب اللى هتجوزها طيب تفتكروا انهى طريقه اللى تنفع دلوقتى فى الظروف اللى حوالينا كلنا وفى الوضع اللى كل واحد فينا بيمر بيها أحب أعرف رأى كل واحد فيكو ووجهة نظره فى الموضوع ده يمكن نقدر نفيد بعض

مستنيكوووو......!

زائر

هوة فيه لحد دلوقت جواز صالونات طبعا و كتير بيبئى ناجح زى ما برده فيه جواز عن حب و برده كتير منه بيبئى ناجح بس أنا رأيى ان الجواز لازم يكون عن حب عشان ده هيوفر حاجات كتير بمعنى انك تبئى عرفت اللى أودامك كويس فبتبئى فهمه أكتر ده رأيى يا بيبسى ياريت نعرف رأيك

والله يا بندقة اولا انتى نورتينى

ومنورة المنتدى

ثانيا انا موافقك فى الرأى قلباً وقالباً

انا من رأيى الشخصى

الجواز لو مش عن حب

يبقى زيه زى اى واجب بنعمله فى حياتنا

من غير احسايس

حاجة مضطرين ليها

ولو الجواز بالشكل ده

يبقى من رأيى بلاش منه خالص

وبجد انتى نورتينى يا بندقة

ويارب تنورينى على طول

ومشكووووور عالمروووووووور

اولا انا بشكرك علي الموضوع ده يا كيمو
وانا معاك انتا وبندقه في الرأي بس والله برضو في جواز صالونات ناجح جدا
وعلي فكره جواز الصالونات مش تأديه واجب يا كيمو
جواز الصالونات هو ان واح شايف واحد ومعجب بيها بس عارف انه مش ينفع انو يروح يصارحها بحبه ده فبيروح يتقدم لها ويكلم اهلها لاكن مفيش واحد بيتجوز واحد وهو مش بيحبها معني ان هوه راح اتقدم لها يبقي هو عايزها

وانا برضو معاكم ان الجواز لوييجي عن حب احسن وهيوفر حاجات كتير اوي

وانا بشكرك مره تانيه يا كيمو ومنتظرين المذيد

لا يا سمكة انتى كدة فهمتينا غلط

عشان النوع الى انتى بتقولى عليه ده
يبقى هو كدة بيحبها

مش تقليدى

التقليدى اللى احنا نقصده

هو ان حد يروح يتقدم لحد ممكن يكون مشافوش او متكلمش معاه او معرفش اى حاجة عنه

هو ده اللى يبقى تقليدى وتأدية واجب

وهدفه الوحيد هو الجواز والاسرة

مش الحب والمشاعر

ومشكوووور على المرووووور

ونورتينى

ميرسي يا كيمو علي ان انتا فهمتني بس انا برضو انا عايزه اسأل علي حاجه
هو مش لو واحد راح واتقدم لوحده وهو ميعرفهاش واتعرفو وعجبتو وعجبها مش ممكن ان هما يحبو بعض بعد كده فبل الجواز في فتره الخطوبه يعني مش برضو ده يبقي جواز عن حب ولا ايه

اه طبعا يا سمكة
ده حب برضه

بس برضه احنا نقصد النوع من الجواز اللى هو بيتجوزوا من غير ميعرفوا بعض كويس ولا حبوا بعض
جواز لمجرد الشكل الاجتماعى قدام الناس

مش حب ومشاعر

وبرضه مشكووووور عالمرووووور